Fyrirlestrar

Ég held fyrirlestra um tölvuleikjaþróun: um ferilinn, verkefnin og það sem tæpir tveir áratugir í greininni hafa kennt mér. Ég hef unnið við FPS, MMO, herkænsku- og spilaleiki fyrir farsíma, VR, AR, PC og leikjatölvur, með teymum í Evrópu, Bandaríkjunum og Asíu.

Fyrirlestrarnir eru sniðnir að hópnum hverju sinni, hvort sem það er ráðstefna, fyrirtæki, skóli eða félagasamtök. Þeir eru fluttir á íslensku eða ensku og geta verið allt frá stuttu 20 mínútna erindi upp í lengri vinnustofu.

Að búa til leiki er erfitt, svo mundu að njóta þess.

Um hvað ég tala

Tuttugu ár í leikjaiðnaðinum

Sagan af ferlinum: leikirnir sem milljónir spila og verkefnin sem fóru aldrei í loftið. Hvað gekk upp, hvað fór úrskeiðis og hvað ég hefði viljað vita þegar ég byrjaði.

Frá hugmynd að útgefnum leik

Hvernig leikur verður til í raun og veru: frumgerðir, framleiðsla, prófanir og útgáfa. Hvernig teymi taka ákvarðanir undir tímapressu og hvers vegna svo mörg verkefni stranda á miðri leið.

Tæknin og listin

Leikjaþróun býr í skurðpunkti verkfræði og listsköpunar. Ég fer yfir hvernig þessir tveir heimar tala saman, frá skapandi stjórnun og sjónrænni hönnun yfir í erfiðustu tæknilegu vandamálin.

Gervigreind og agentar í þróun

Hagnýt yfirferð á því hvernig AI agentar eru að breyta daglegri vinnu í Unreal Engine og víðar: hvar þeir spara raunverulegan tíma, hvar þeir gera það ekki og hvernig á að byrja.

Þvert á greinar

Leikjatækni er löngu hætt að snúast bara um leiki. Ég skoða hvernig hún nýtist í kvikmyndagerð, arkitektúr og hönnun, og hvað þessar greinar geta lært hver af annarri.

Fyrir þá sem eru að byrja

Erindi fyrir nemendur og nýliða: hvernig maður kemst inn í greinina, hvað skiptir raunverulega máli í möppunni þinni og hvers vegna það er í lagi að kunna ekki allt strax.

Hafðu samband